Wuběr rěčow:
Jubilej 2025
800-lětny jubilej wosady a gmejny Chrósćicy
februar 2023: Lěta 2025 woswjećimy 800-lětnu róčnicu prěnjeho naspomnjenja Chrósćic a Prawoćic. Gmejna a wosada stej so w nazymje 2021 na puć podałoj zhromadnje jubilej přihotować a swjećić. Přejemy sebi, zo by swjedźeń nas jako wosada ze wšěmi swojimi dźělemi zwjazał, zwjazał wobydlerjow gmejny, zwjazał gmejnu a wosadu, zhromadnosć skrućił a za zhromadnosć zahorił.
800-lětne stawizny. Tutu dołhu dobu móže sebi lědyma štó woprawdźe předstajić. Mnohe podawki, dobre a njedobre, su naši prjedownicy dožiwić dyrbjeli a směli a přiwzali, a z tym wowliwowali a formowali gmejnu a wosadu, kajkejž wonej dźensa stej.
Tak daloko kaž stawizny wróćo sahaja chcemy tež do přichoda nadźiju wuprudźeć. Kóždy jednotliwc ma hižo dźensa, kaž w stawiznach tež, swój podźěl na dalšim wuwiću gmejny a wosady.
Hladajo naš jubilejny swjedźeń je nam jasne: my wšitcy smy zamołwići za to, zo so swjedźeń nam a našim hosćom lubi.
Rozprawjamy wo přihotach k jubilejej a nadźijamy so, zo zajim na projektach budźimy. Na tutej stronje nadeńdźeće tohodla chróniku přihotow a aktualne wozjewjenja k zarjadowanjam a k móžnosćam swójskeho angažementa. Dajmy so zhromadnje do dźěła. Kóždy je přeprošeny sobu pomhać.
Zjawne zarjadowanja 18.3.25, 19:00 hodź.
18.03.2025 we 19:00 hodź. na farje: zhromadźizna k swjedźenskemu ćahej
januar 2025: 13: posedźenje přihotowanskeho kruha
Mjeztym su jasne sobuskutkowace skupiny a cyłki, dźěła so na plakaće a flyeru, dalšich wabjenskich srědkach. Jednotliwi zamołwići dnjow su jasne. Ramikowe wuměnjenja so stworja a wujednaja (technika, wěstota). Časy so konkretizuja, zastaranje z jědźemi so dokładnišo dojedna, zrěčenja so pisaja.
september 2024: 12. posedźenje přihotowanskeho kruha
februar 2023: Sedme zetkanje:
december 2022: Hižo šesty raz mjeztym zetkawaše so přihotowanski wuběrk jubileja.
Zamołwite wosoby za wšelake zarjadowanja so konkretizuja, konkretne zarjadowanja so do tydźenja zarjaduja. Runočasnje wozjewi so wubědźowanje wo logo za jubilej. Logo měł so klětu w nalěću wozjewić. Runočasnje běše prěnje zetkanje wuběrka jubilejna kniha.
nazyma 2022: Mjez druhim měł so w jubilejnym tydźenju swjedźenski ćah pokazać. K tomu so konkretne mysle předstajichu. Dale so rozsudźi, zo měła k jubilejej jubilejna kniha wuńdź.
nalěto 2022: Wotběh swjedźenskeho tydźenja so bóle a bóle konkretizuje, zamołwite wosoby/skupiny so narěča a zapisaja. Datum swjedźenskeho tydźenja so wuzwoli: je to wot pjatk 13.6. do njedźele 22.6.2022.
nazyma 2021: K planowanju jubileja wosady a gmejny w lěće 2025, kaž tež wjeskow Chrósćicy a Prawoćicy wutwori so přihotowanski kruž wobstejacy z čłonow wosadneje a gmejnskeje rady. W prawidłownych zetkanjach chce w přichodźe jubilej přihotować.
Terminy
05.03.2025 - popjelna srjeda - hišće 100 dnjow k spočatkej jubilejneho tydźenja
18.03.2025 - zhromadźizna k swjedźenskemu ćahej na farje
datum ? - wotwrjenje wustajeńcy na gmejnje
11.06.2025 - 17:00 hodź. předstajenje musicla zakładneje šule Chrósćicy
swjedźenski tydźeń wot 13.-22.6.2025 - dotalny wotběh
pjatk 13.6.
18:00 hodź. swjedźeń wohnjoweje wobory
20:00 hodź. oficijelne wotewrjenje a mytowanje dobyćerjow
přizamknu so młodźinske reje z dwěmaj kapałomaj
sobotu 14.6.
13:00 do 17:00 hodź. rjemjesła na statokach w Chrósćicach a Prawoćicach
16:00 do 18:00 hodź. kulturny progam serbskich skupin na swjedźenišću
19:30 hodź. reje za wšitke staroby z dwěmaj dujerskimaj kapałomaj
njedźelu 15.6.
9:00 hodź. kemše z hosćimi
11:00 hodź. rańše piwko a wobjed na swjedźenišću
13:30 hodź. spočatk swjedźenskeho ćaha
přizamknje so kofej a tykanc na swjedźenišću
póndźelu 16.6.
20:00 hodź. filmowy wječor w stanje
wutoru 17.6.
17:00 hodź. wjedźenje po přirodźe
srjedu 18.6.
10:00 hodź. seniorowe dopołdnjo z programom pěstowarnje
čas? - čitanje z jubilejneje knihi
štwórtk 19.6.
8:00 hodź. kemše z procejónom na Bože Ćěło
14:00 hodź. nyšpor z procesjónom na Bože Ćěło
19:00 hodź. přednošk knj. Gerdesoweje wo Chrósćicach jako staciji na putniskim puću
pjatk 20.6.
8:00 do 13:00 hodź. sportowy swjedźeń zakładnych šulow Chrósćicy, Pančicy-Kukow a Worklecy
sobotu 21.6.
njedźelu 22.6.
9:00 hodź. kemše z procejónom na Bože Ćěło z biskopm Timmereversom
11:00 do 13:30 hodź. Wobjed a zhromadnosć na swjedźenišću
14:00 hodź. nyšpor z procesjónom na Bože Ćěło
Dokładniše infos k jednotliwym projektam
K jubilejej ma kniha wuńč, kotraž je wokoło temow "wosada - wjeski - žiwjenje" koncipowana. Zentralny zwjazowacy element wosadnych a gmejnskich dźělow su procesjóny ke křižowemu pućej w martrownym tydźenju na kěrchow.
Konzept je wudźěłany. Aktualnje so jednotliwe strony stajeja a pyta so termin za předstajenje knihi.
Kontakt: buero[at]pfarrei-crostwitz.de
Swjedźenski ćah je w někak 40 wobrazach namysleny. Nětko je nadawk z wobrazow konkretne temy wupytać a wšitko z wobsahom a žiwjenjom pjelnić. Na zarjadowanju 09.11.2023 su so hižo wobrazy rozdawali. Někotre su pak hišće swobodne. Jeli chceće jedyn wobraz wuhotować, přizjewće so prošu pola Kathariny Jurkoweje (katharina.jurkowa[at]domowina.de) abo Uwe Macki
1. pućowanje ludow 7./8.Jh / zasydlenje |
2. Hrodźišća a rjemjesła 9. Jh (twar hrodźišćow, hrodźišćo Kopšin jako wulke a jedne z centralnych sydlišćow Milčanow a zdobom natwar dalšich sydlišćow blisko hrodźišćow, Milčenjo - rjemjeslnicy, wikowarjo, ratarjo, pčołarjo, wěra do bohow) |
3. cuze wójska a wójny we Łužicy (Kraj Milčanow a Łužica jako nastupnišćo-cuzych wójskow: Madźarojo, Češa, Polacy - Boleslaw Chrobry, wuchodni Frankojo - Němcy - Heinrich I., wotwisnosć a zhubjenje swobody (1002)) |
4. christianizacija (Christianizacija, mision Cyrila a Metoda, załoženje Mišnjanskeho biskopstwa 986 - snano prěnja kapałka w Chrósćicach, němscy lokatorojo, Swj. Beno (1050 - 1100)) |
5. Via Regia ("Via Bennonis" wikowanska dróha, wikowarjo) |
6. prěnje naspomnjenje: Crostitz 1225 (1225 prěnje pisomne naspomnjenje Crostitz (wopismo), załoženje wosady - Bjarnat II., patronat Syman a Juda Tadej, prěni farar wěsty Přibisław - zwisk k swětowym stawiznam: Křižne wójny do Swjateho kraja, Franciskus swjatoprajeny, mócnarstwo Dschingis Khana) |
7. Klóšter Marijina hwězda 1248 (1248 - klóšter Marijina Hwězda jako wobsedźer kraja, poddanojo, wotedawki naturalije) |
8. Husića (1429 Husića zniča klóšter Marijinu Hwězdu a Ralbicy) |
9. Mór a Bratstwo swj. Bosćana 15. l. (15. lětstotk mór we wosadźe, Załoženje bratstwa swj. Bosćana, 1680 wobnowjenje bratstwa) |
10. reformacija (Reformacija , bój wo wsy, Hodźij, Temler, rozestajenja mjez katolikami a protestantami we wosadźe) |
11. 30-lětna wójna (1618 - 48, 30 lětna wójna - Šwedojo we wosadźe, čwělowanje fararja Lebzy) |
12. Łužica w Čěskej (1635 přisłušnosć k Čěskej do a potym k Sakskej (woponaj)) |
13. twar barokneje cyrkwje 1769-1771 (natwar noweje cyrkwje 1771 w baroknym stilu, biskop Jakub Jan Wóski pochadźacy z Chrósćic ju poswjeći (cyrkej jako model)) |
14. nastaće susodnych wosadow (pomjenšenje wosady Ralbicy 1754 a Wotrow 1772) |
15. pěstowarnja w Chrósćicach (nałožki) |
16. šula w Chrósćicach + zawrjenje srjedźneje šule (Šule w Chrósćicacach 1772 / 73 - Zarjeńkec korčma (Dučmanec), 1837 "stara šula" při kěrchowje, 1903/04 nowa šula (Marja Kubašec), po 1945 ratarska - powołanska šula, 1995 nowa zakładna šula z wjacezaměrowej halu "Jednota" - Chróšćanski zběžk 2001) |
17. Jutry - "rajtwane budźe" (1780 zwada křižerjow 4 chorhoje (farske a wićezne) - křižerstwo "Jěchane (rajtwane) budźe" citat: kublerja Ryćerja z Nuknicy) |
18. šibjeńca (1804 wotprawjenje Jakuba Kmjeća Pawluša na Šibjeńcy) |
19. Jurij Kislink wohnjowa wobora 1822 (1822 prěnja wohnjowa wobora w Chrósćicach) |
20. burja - klóšter (1832 - 1850 wuswobodźenje rspk. wukupjenje burow z wotwisnosće klóštra, burske žiwjenje, čeledź) |
21. prěnja Schadźowanka - Hórnik a TCM (1875 prěnja schadźowanka (Ćišinski, Muka), skutkowanje Hórnika a TCM) |
22. putnikowanja Krupka, Filipov |
23. towarstwa 19. a 20. Jh (Towarstwa w 19. lětstotku a 20. lětstotku - 1874 Katolska bjesada "Kasino" w Jaseńcy, 1872 spěwne towarstwo "Jednota" w Chrósćicach) |
24. skałarjo w Hórkach |
25. dalše susodne wosady - Baćon (1911 Baćonska wosada załožena z dotalnymi južnowuchodnymi wjeskami Chróšćan wosady, pomjeńšenje wosady) |
26. cyrkwinska kula (1911 kula, křiž a chorhojčka sylneho wichora dla z wěže padnyli) |
27. Eugenio Pacelli 1921 (1921 nuncius Eugenio Pacelli, pozdźiši bamž Pius XII. w Chrósćicach swjatočny procesion z družkami, žony w płachćičkach) |
28. Sokoł - sport |
29. pasjónske a dźiwadłowe hry |
30. Druha swětowa wójna |
31. Domowina (1945 znowazałoženje, wozrodźenje Domowiny pola Natušec - Wjeselic) |
32. NDRski čas (čas NDR 1949 - 1989: LPG, mejske demonstracije, pioněrojo, FDJ) |
33. Kardinal Wojtyła (1975 Krakowski kardinal Wojtyła, pozdźiši bamž Jan Pawoł II. wopyta Chrósćicy a pomnik) |
34. Swinarnja (nastaće wjeski, pasenje swini, wjeska jako póstowa stacija, twar starownje swj. Ludmile w Swinarni a pozdźišo w Chrósćicach) |
35. Chrósćicy dźensa - pčolnica, festiwal, Domizna, Wudworski ansambl (Chrósćicy dźensa (towarstwa, zjednoćenstwa) kapały, pčołarstwo - n. a dź., towarstwo Domizna, festiwal, pasion - (něhdy a dźensa, atd.) - hodźa so tež do chronologije zaplesć |
36. Chrósćicy 2100 |
wobraz hižo rozdawany wobraz hišće swobodny
Kontakt: katharina.jurkowa[at]domowina.de