Wozjewjenja 5.-6.9.2020

Přeprošujemy wosadnych dźensa a přichodny kónc tydźenja namjetować kandidatow za nowu wosadnu radu kaž tež nowe wosadne předstejićerstwo.

W farskej cyrkwi po wšitkich njedźelskich kemšach a po nyšporje při Marijanskim wołtarku a w klóšterskej cyrkwi pod pišćelemi.

W kapałce Maltezow dźensa a přichodnu njedźelu wot 11:30 do 12:30 při Marijanskim wołtarku.

K tomu su wšudźe přihotowane módre cedlki a tyzki za namjety do wosadneho předstejićerstwa a zelene cedlki a tyzki za namjety do wosadneje rady.

Wozjewjenja 26.07.2020

Młodostni, kotřiž w našej wosadźe hižo swoje hłowne bydlenske sydło nimaja, studija abo wukubłanja dla, kotřiž pak chcedźa so najebać toho na wólbach w našej wosadźe wobdźělić, njech zdźěla swój rozsud zčasom (prošu hač do kónc septembra) přez mejlku farskemu běrowej (hłowne bydlenje prošu podać), zo móžemy jich za našu wosadu k wólbam zapisać a we wosadźe při hłownym bydlenju wotzjewić.

Wozjewjenje 05.07.2020

W nowembrje mamy wolić nowe wosadne gremije. Biskopstwo je za to nowe zakonje wudało.

Wolić ma so wosadna rada, kotraž poradźuje w pastoralnych naležnosćach wosady, a wolić ma so tohorunja, a to prěni raz w stawiznach biskopstwa, wosadne předstejićerstwo.

Wosadne předstejićerstwo zamołwi w přichodźe zhromadnje z wosadnym fararjom wšitke wobsydstwowe a financne naležnosće wosady. Z tym přewozmje tutón gremij dalewuwite nadawki dotalneje cyrkwinskeje rady.

Bliže informacije dóstanjeće na biskopskej internetnej stronje.