• Nabožny tydźeń 2015

  • Pod hesłom „Giovanni soni“ zhromadźi so w Chrósćicach na farje tutón tydźeń (13.-17.7.) na 150 dźěći přewodźane wot wjac hač 20 pomocnikow k nabožnemu tydźenjej.

    Zaběramy so ze žiwjenjom a skutkowanjom Giovannija (Jana) Boska. Zhonimy kak je krok po kroku zahorjenosć w nim rostła a so tak jeho žiwjenski són zwoprawdźił, so wo zanjechanu dźěćinu a młodźinu starać, ju kubłać a jej pozitiwne kroki do přichoda pokazać a skónčnje k Jězusej wjezć.

    Paslo, spěwajo, so modlo a hrajo mamy rjane dožiwjenja a nazhonimu wulku zhromadnosć.

Póndźelu dopołdnja so mjezsobu zeznajomnichmy. W katechezy rěčachmy wo sonje Dona Boska a wo swójskich sonach. Popołdnju možachmy so mjez wšelakimi zaběrami rozsudźić, kaž kopańca, paslenje raketow abo plečenje bančikow.

Wutoru dopołdnja nazhonichmy biblisku hru hrajo, zo je nam Bóh stajnje bliski a zo za nami pyta. Chce, zo smy přeco z nim zwjazani. Popołdnju mamy zaso wjeselo při wólnych zaběrach.

Srjedu putnikujemy ze wšěmi serbskimi wosadami do Róžanta, zo bychmy sebi so modlo a spěwajo Bože žhonowanje za swoje žiwjenje wuprosyli.

Štwórtk dopołdnja nazhonimy, zo je Don Bosko z wutrobu a ruku zapřimnył a swój són zwoprawdźił. Je w swojim žiwjenju swěrnje swój són sćěhował a jón krok po kroku zwoprawdźił. Za popołdnjo je skupina wosmeho lětnika za nas přez cyłu wjesku sahowacu přepólnu hru přihotowała.

Pjatk sebi cyły dźeń wulećimy. Dokal, so wězo do toho njepřeradźi. Jenož, zo měli dźěći kupanske drasty sobu přinjesć.

 

 
 
 
 
 
wróćo | k započatkej
Impressum und Datenschutz | Impresum a škit datow