Wuběr rěčow:
Firmowanje we wosadźe swj. jap. Symana a Judy 28.10.2023
 |
Swój puć sej wumysli čłowječa wutroba; Knjez pak wjedźe jeho kročele. (Kniha Přisłowow 16/9)
Přeprošenje na firmowansku wučbu, lubi šulerjo 9. lětnikow
jako małe dźěćo bu křćeny/a. Z toho časa přisłušeš Jězusej Chrystusej a jeho cyrkwi. Staršej stej so tehdy za Twoju křćeńcu rozsudźiłoj. Z tym staj so zawjazałoj, Tebje we wěrje kubłać a Tebi zeznaće wěry zmóžnić. Wuzwoliłoj staj Tebi kmótřow, woni su slubili staršeju podpěrać a wo Twoje kubłanje we wěrje so sobu starosćić.
Mjeztym sy dorostł/a. Maš swójske nazhonjenja z wěru, křesćanstwom a cyrkwju.
Nětk je přišoł čas přisłušnosć k cyrkwi wudospołnić. Bórze změješ składnosć swjaty sakrament firmowanja přijimać. Bóh sam chce Će ze swojej hnadu, Duchom Swjatym, wobdarić a Ty směš ju přijimać.
Biskop budźe Tebje z chrizamom wožałbować. Kaž něhdy japoštołow chce sakrament Tebje posylnjeć, zo by z mocy Ducha Swjateho móhł žiwy/a być a we swěće skutkować. Při tym móže Ći wot Tebje wuzwoleny/a kmótr/a być z pomocu.
Z tym přeprošujemy Tebje na přihot za spožčenje tutoho sakramenta.
Firmowanska wučba na farje w Chrósćicach je wutoru dwutydźensce započejo 16.5. 17:00 hodź.
Wjeselimy so na Tebje. Wobdźěl so na zarjadowanjach za firmujomnych a za młodźinu a wopytaj Bože słužby. Nadrobniše informacije za młodźinu namakaš we wozjewjenjach, kaž tež tule na našej internetnej stronje.
Prošu wupjeln tule zapołožene přizjewjenje a wotedaj je hač do 22.2. na farje.
organizacija kołowokoło wučby
1. přizjewjenje za wučbu sebi dele sćahnyć a hač do 22.2.2023 wupjelnjene w farskim běrowje wotedać
2. přeprošeni su šulerjo nětřišich 9. lětnikow
mysli na to:
- zo w tydźenskich wozjewjenjach na pokiwy za firmujomnych kedźbuješ, kaž tež na wosadnej homepage
- zo njedźelu kemši dźeš
- zo jónu za lěto jako družka postawu maćerje Božeje do Róžanta njeseš
přihot na firmowansku wučbu:
W póstnym času podamy wam jako zazběh do wučby digitalne duchowne impulsy na tutych stronach wosadneje homepage.
Terminy firmowanskeje wučby:
1. wučba je 16.5., 17:00 hodź. w Chrósćicach
Formulary
hač do 22.2. wotedaš přizjewjenje na firmowansku wučbu na farje (Formular je tu online)
w septembrje wotedaš přizjewjenje na firmowanje (formular dóstanješ we wučbje)
w septembrje/oktobrje: twój kmótr da ći kmótřiske wopismo, jeli ma hłowne bydlenje zwonka wosady, tute wotedaj w farskim běrowje
Terminy w firmowanskim tydźenju
póndźelu a wutoru, 23., a 24.10. pyšimy cyrkej, wijemy pletwu a pójšamy ju zhromadnje z wašimi staršimi a wosadnej młodźinu
srjedu 25.10., 18:00 hodź. je zwučowanje a swj. spowědź w cyrkwi
swj. firmowanje je sobotu 28.10.23
- kemše z biskopom Timmereversom su 9:00 hodź. w farskej cyrkwi
- dźakny nyšpor je 14:00 hodź. w farskej cyrkwi
Terminy w běhu lěta a k přihotej na firmowanje
februar - přizjewjenje na wučbu a digitalny zazběh
19.2. modlerske hodźiny za młodźinu w klóštrje a w Chrósćicach 13:00 hodź.
22.2. popjelna srjeda - wopyt kemšow
měrc - póstny čas
25.2. sobotu 20:00 hodź. młodźinska vesper w Hórnikowej kapałce
29.3. srjedu před martrownym tydźenjom modlitwa róžowca, w Chrósćicach při kapałce, w Pančicach-Kukowje a druhich wjeskach při wjesnym křižu
18.3. nócne modlenje dekanatneje młodźiny w Ralbicach
31.3. sobotu 20.00 hodź. młodźinska vesper w Hórnikowej kapałce
2.4. njedźelu 14:00 hodź. křižowy puć deka-młodźiny w Pěskecach
apryl - martrowny tydźeń a jutry
2.4. Bołmončka křižowy puć dekanatneje młodźiny
5.4. Srjedu wot 16:00 hodź. (po planje) putnikowanje z wokolneje wjeski do Chrósćic a modlitwa křižoweho puća na kěrchowje w Chrósćicach
6.4. Zeleny štwórtk Boža mša w 20:00 hodź.- modlerska hodźina młodźiny 23 hodź.
7.4. Wulki pjatk Wopominanje Jězusoweho ćerpjenja a wumrěća 15:00 hodź. (w klóštrje dopołdnja křižowy puć młodźiny)
8.4. Boža mša wo zrowastanjenju Jězusa sobotu 20:00 hodź.
9.4. Jutrońčka
Emaws
meja - jutrowny čas - donjebjesspěće - swjatki
Mejske nyšpory wotydźenja w Chrósćicach a klóštrje
--> 16.5., 17:00 hodź. prěnja hodźina firmowanskeje wučby w Chrósćicach
15.-17.5. Próstwowe procesijóny póndźelu do srjedy do Božeho spěća (procesjón a kemše, póndźelu 17:00 hodź., wutoru a srjedu 18:00 hodź.)
18.5. Bože spěće
Mysli na to jónu wob lěto jako družka do Róžanta swj. Marku njesć (swjatki póndźelu, 2.7. abo 8.9.)
28.5. Swjatkownička - kemši hić
29.5. Swjatki póndźelu do Róžanta putnikować, putniske kemše w 9:00 hodź.
--> 2. firmowanska wučba 30.5., 17:00 hodź. w Chrósćicach
junij - Bože ćěło
4.6. Swjateje Trojicy - wopyt kemšow a w klóštrje modlerske hodźiny
8.6. a 11.6. Bože ćěło štwórtk a njedźelu kemše a nyšpor w narodnej drasće
--> 3. firmowanska wučba 13.6., 17:00 hodź. w Chrósćicach
15.6. Bože ćěło oktawa štwórtk 18:00 hodź. kemše, přizamknje so wosadny swjedźeń
--> 4. firmowanska wučba 27.6., 17:00 hodź. w Chrósćicach
julij - krótko do prózdnin - woćuwać a mocow nazběrać, nazhonjenja zběrać a dožiwić
2.7. putnikowanje do Róžanta, Marije wopytanja --> družka?
--> pomhać při nabožnym tydźenju?
september - druha połojca přihota po prózdninach
--> 5. firmowanska wučba 29.8., 17:00 hodź. w Chrósćicach
8.9. putnikowanje do Róžanta na Marije naroda --> družka?
--> 6. firmowanska wučba 12.9., 17:00 hodź. w Chrósćicach
Dopomnjenka: Sy hižo swój formular k přizjewjenju na firmowanje w běrowje wotedał/a?
Dopomni swojeho kmóta (jeli ma hłowne bydlenje zwonka wosady) zo sebi kmótřiske wopismo wobstara a je na farje woteda)
7. firmowanska wučba 26.9., 17:00 hodź. w Chrósćicach
oktober - bórze je tak daloko
1.10. róžowcowa njedźela: putnikowanje młodostnych do Radworja 6:00 hodź.
Dopomnjenka: Sy hižo přizjewjenje za firmowanje a kmótřiske wopismo na farje wotedał/a.
15.10. - kermuša we wikariji
22.10. - kermuša w Chrósćicach
23., 24.10. póndźelu a wutoru pyšimy cyrkej, k tomu wijemy pletwu na farje a powěsnjemy ju. k tomu přeprošeni sće wy firmujomni waši starši a wosadna młodźina (trjebaš nožicy a rukajcy)
25.10. srjeda 18:00 hodź zwučowanje w cyrkwi a swj. spowědź.
swj. firmowanje sobotu 28.10.
- Boža mša w 9 hodź. z biskopom Heinrichom Timmereversom
- dźakny nyšpor w 14 hodź.
29.10. kermuša we Worklecach
nowember - nowy spočatk
1.11. Wšěch swjatych - kemše a spominanje na zemrětych na kěrchowje
2.11. chude duše - kemše
26.11. młodźinska wuznawanska njedźela - Chrysta Krala - 14:00 hodź. nyšpor serbskeje katólskeje młodźiny
we wěrje přikład być
- wašim dźěćom přikład być, kak je křesćanska wěra we wšědnym dnju w swójbje a zhromadnosći wosady žiwa
- so wo wěrje doma w swójbje a z přećelemi so rozmołwjeć
- w swójbje zhromadnje so modlić
- křesćanske swjedźenje w běhu lěta žiwi być (kemši hić, putnikować, póstny dźeń dźeržeć)
Terminy
- próstwowy procesjón a kemše 16.5., 18.00 hodź. jako zhromadny spočatk firmowanskeho přihota
- dopomniće młodostnych na wotedaće formularow:
1. přizjewjenje na wučbu - hač do 22.2.
2. přizjewjenje na firmowanje - w septembrje
3. kmótřiske wopismo kmóta, jelizo ma hłowne bydlenje zwonka wosady
- 23. a 24.10. - pyšenje cyrkwje, wiće pletwy a pójšenje tuteje
Přehlad wo póstnych prědowanjach k temje firmowanje a sakrament pokuty
tule tež jako pdfka za delesćanjenje
Farar Měrćin Deleńk: Spěwać budu přeco: “Póšli swojoh Ducha nam!” – Swjate firmowanje
srjedu, 08.03.23, 18.30 hodź. we Wikariji
njedźelu, 12.03.23, 14.00 hodź w Radworju
štwórtk, 16.03.23, 18.30 hodź. w Zdźěrje
njedźelu, 26.03.23, 14.00 hodź. w Njebjelčicach
štwórtk, 30.03.23, 18.00 hodź. w Budyšinje
njedźelu, 02.04.23, 14.00 hodź w Ralbicach
Farar Michał Nawka: Njechłostaj mje surowje – Swjata spowědź
njedźelu, 26.02.23, 14.00 hodź w Baćonju
štwórtk, 02.03.23, 18.00 hodź w Budyšinje
njedźelu, 12.03.23, 14.00 hodź w Ralbicach
srjedu, 15.03.23, 18.30 hodź we Wikariji
štwórtk, 23.03.23, 18.30 hodź w Zdźěrje
pjatk, 24.03.23, 18.00 hodź we Wotrowje
njedźelu, 26.03.23, 14.00 hodź w Kulowje
njedźelu, 02.04.23, 14.00 hodź w Radworju
Tydźenski impuls
1. póstna njedźela: tule jako pdfka za delesćahnjenje
2. póstna njedźela: tule jako pdfka za delesćahnjenje
3. póstna njedźela: tule jako pdfka za delesćahnjenje
4. póstna njedźela: tule jako pdfka za delesćahnjenje
5. póstna njedźela: tule jako pdfka za delesćahnjenje
6. póstna njedźela/Bołmnočka tule jako pdfka za delesćahnjenje
7. jutrowny čas: tule jako pdfka za delesćahnjenj
Modlitwa póstnym času
wosadna młodźina předewza sebi w póstnym času dojědź na vespery do ródneje ale tež do susodneje wosady, tule su terminy:
sobotu 25.2. 20:00 hodź. w Chrósćicach vesper
sobotu 04.3. 20:00 hodź. w Radworju vesper
sobotu 11.3. 20:00 hodź. w Njebjelčicach vesper
sobotu 18.3. 20:00 hodź. w Ralbicach nócne modlenje
sobotu 25.3. 20:00 hodź. w Kulowje vesper
njedźelu 2.4. 14:00 hodź. w Pěskecach křižowy puć
zo bychu tež ći młódši z was sobu jěć móhli, zetkaće so stajnje na farskim dworje, tež z farskim busom so pojědźe zo su dosć městnow.
Lubi firmowancy kmótřa,
Jako tajcy wy wašim firmowanskim mótkam pomhaće po Božim puću kročić.
Na Božej mši firmowanja, při spožćenju sakramenta, dźeržiće prawu ruku na lěwe ramjo firmujomneho a wobkrućiće z tym: Ja, twój/a kmótř/a chcu ći moju wěru sposrědkować. Wot mnje móžeš wuknyć kaž křesćan žiwy być.
Kmótřistwo woznamjenja: Ja sym prašany.
Jako čłowjek. Jako towarš.
Nic jako móšeń. Nic jako něchtó, kotryž pjelni jenož prózdny stólc.
Jako čłowjek sym prašany.
Jedyn młodostny je so mje prašał a chce mje za swojeho kmóta/kmótru.
Snano so instinktiwnje nadźija, pola mje to namakać, štož trjeba.
A to je něšto druhe hač zwučene dary k firmowanju.
Młodostni trjebaja wosoby, kotrež za nich přez woheń du.
Tu być, ale nic so nanuzować.
Sowje žiwjenje dźělić - podźěl brać - wěru dźělić.
Wotmołwić, ale nic bjez prašenja.
Srjedźišćo tuteje słužby: moja wutroba a moje wucho ...
(z podłožkow biskopstwa Eichstätt 2020)