družka - narodna drasta družki w běhu wosadneho žiwjenja
Hdy nosy so družća drasta w běhu lěta?
Družća drasta je w katólskich narodnych drastach najmarkantniša a najwobšěrniša. Za krótki čas je holcam móžno ju k wšelakim přiležnosćam nosyć.
We wšelakich warijantach nosy so drasta při swójbnych swjedźenjach, to rěka na kwasach a při kmótřenju. W běhu cyrkwinskeho lěta widźimy družki na Bože Ćěło (1. do 9. lětnik), při procesjónach do Róžanta (młodźina), při swjedźenju spožćenja sakramenta swj. eucharistije (3. lětnik) a swj. firmowanja (8. do 10. lětnik).
Hdy so družka na kotre wašnje drasći?
družka na Bože Ćěło
- małe rubiško
- běły kitlk
- wušiwany chribjet a wokołopasacy bant, rosa sekla na hłowu
družka do Róžanta
- małe rubiško
- běły kitlk
- spódnja suknja ze šěrokej somoćanej bortu, dokelž so dołha čorna suknja po puću wuzběha
- wušiwany chribjet a wokołopasacy bant, rosa sekla na hłowu
družka na prěnje swjate woprawjenje
- běły kitlk a małke rubiško
- běłe, jenož z myrtu debjene (našite abo wušiwane) sekle za chribjet a wokołopasacy bant, běłu seklu na hłowu
družka k přijeću sakramenta swjateho firmowanja a družka jako kmótra na křćiznu
- čorny pjezl (město běłeho kitlka)
- wulke rubiško
- wušiwany chribjet a wokołopasacy bant, rosa sekla na hłowu
Jako družka do Róžanta putnikować - Što je wažne?
Za nošenje postawy swj. Marije do Róžanta je za kóždy procesjón přizjewjenje trěbne.
Kóžde lěto na bołmončku su holcy wobeju procesjónow w 10:00 hodź. na faru k snědani přeprošene. Při tym so słužby w běhu lěta rozpowědaja a je móžnosć k wuměnje nazhonjenjow. Dalše informacije dóstanješ pola družkow, kotrež do Róžanta chodźa, pola Jěwy Kušineje (Chrósćicy) abo na farje.
Prošu wobkedźbujće wozjewjenja za časy wotchada procesjónow a časa Božeje mšě w Róžeńće!
Předešćnik za kóžku družku mamy w Chróšćanskim procesjónje we wosadnym nachribjetniku sobu. Tam móže so tohorunja wosadnik družki zapakować.
Jako družka do Róma putnikować 2026
- putnikowanje wotměje so wot 8.-14.2.2026
- wotměje so za wšitke družki serbskich wosadow, kotrež postawu swj. Marije do Róžanta njesu
- přizjewjenje je na farje w Chrósćicach, hač do 30.10.2025
- płaćizna je na družku, kaž tež hotowańšu samsna: 650,00 € (biskoptwo jězbu financnje spěchuje)
- přebywanje je w 4* hotelu
- jězba je z busom
- družća drasta je trěbna
- za přizjewjenje podajće prošu mjeno a wjesku
- je-li jednowosobowa stwa trěbna so płaćizna zwyši wo 230,00 € - prošu při přizjewjenju sobu podać
Hdy putnikuje so do Róžanta
Chrósćicy
Swjatki póndźelu
7:00 hodź. wotchad procesjóna z farskeje cyrkwje
9:00 hodź. putniska Boža mša w Róžeńće, potom wróćopuć
Marije wopytanja 2.7.
hdyž wotydźenja:
17:00 hodź. wotchad procesjóna z farskeje cyrkwje
19:00 hodź. putniska Boža mša w Róžeńće
hdyž kónc tydźenja: - kaž Swjatki
Marije naroda 8.9.
hdyž wotydźenja:
17:00 hodź. wotchad procesjóna z farskeje cyrkwje
19:00 hodź. putniska Boža mša w Róžeńće
hdyž kónc tydźenja: - kaž Swjatki
Wikarija
Swjatki póndźelu
6:45 hodź. wotchad procesjóna z klóšterskeje cyrkwje
9:00 hodź. putniska Boža mša w Róžeńće, potom wróćopuć
Marije wopytanja 2.7.
hdyž wotydźenja:
16:45 hodź. wotchad procesjóna z klóšterskej cyrkwje
19:00 hodź. putniska Boža mša w Róžeńće
hdyž kónc tydźenja: - kaž swjatki
Marije naroda 8.9.
hdyž wotydźenja:
16:45 hodź. wotchad procesjóna z klóšterskeje cyrkwje
19:00 hodź. putniska Boža mša w Róžeńće
hdyž kónc tydźenja: - kaž swjatki
Worklecy
Swjatki póndźelu
7:30 hodź. wotchad procesjóna z kapałki
9:00 hodź. putniska Boža mša w Róžeńće, potom wróćopuć
Marije wopytanja 2.7.
Žadyn swójski procesjón, putniki so Chróšćanskemu procesjónej přizamknu, kotryž někak 17:30 hodź. přez Worklecy dźe.
hdyž kónc tydźenja: - kaž swjatki
Marije naroda 8.9.
Žadyn swójski procesjón, putniki so Chróšćanskemu procesjónej přizamknu, kotryž někak 17:30 hodź. přez Worklecy dźe.
hdyž kónc tydźenja: - kaž swjatki